【點新聞報道】網傳MIRROR成員呂爵安（Edan）與大馬女神林明禎拍拖，二人於上月兩度在外地約會，引發廣泛關注。Edan今日（2日）以大使身份出席海港城港威商場大堂舉行的日本美妝品牌新色調發布會，是他傳出姐弟戀後首次出席公開活動。
Edan接受訪問時，承認在歐洲工作期間有同林明禎食飯，但否認二人撻着。「恭喜我？未恭喜得住。今次都幾得意，人生都未試過咁多男士恭喜我，又讚我叻仔，突然間地位好似好高，唔講以為我參加奧運，好似為港爭光咁，參加明禎BB爭奪戰。」
Edan解釋歐洲行是因為工作。「同明禎本身係朋友，所以喺歐洲有食飯，但純粹食飯啫，大家唔好諗咁多，台灣係同屋企人去。」問到同林明禎有無發展空間，Edan就話「唔敢諗，都係專注工作。（佢係咪你嗰Type？）咁我相信佢絕對係女神，我有睇佢作品，好欣賞佢。」
當傳出緋聞後，Edan曾發訊息向林明禎「Say Sorry」，無端端牽連到對方。Edan又話唔敢再同林明禎食飯，但他表示如果將來有好消息的話，並不介意公開。
相關閱讀：
收藏
取消收藏
分享
稿件由上傳 · 文責自負 · 不代表本網立場
