
冒險樂園「掟彩虹」不時引發中獎爭議,有網民早前發文分享,指自己在美國冒險樂園上水分店「掟彩虹」時,成功將代幣擲中圈內,但被職員裁定為「不中獎」,事件再次引起網民熱議。
該名網民日前在fb「美國冒險樂園關注組」發文指,在上水的分店「掟彩虹」,「咁樣都可以話唔中」。據其照片可見,代幣擲中圖案中獎範圍,從側看與最近的黑線仍有不少距離。不過,樓主指,「職員堅持要由上而下去影,影完係砸界」,直言「綠獎啫,唔使呀嘛」。
不少網民留言撐樓主,「冇可能砸界」、「由上面影落嚟根本唔公平」、「呢個唔中非常離譜」、「呢個點影都冇可能砸界啦,擺明個員工玩嘢,上水試過好多次都係判得奇奇怪怪」,有人更指「係咪次次要人報警先得」。不過,有網民就指「俯視角度必定責,佢塊膠板勁厚」、「其實就角度,係有可能」。



稿件由上傳 · 文責自負 · 不代表本網立場