近日有網民分享食肆「中伏」經歷，指自己日前幫襯一間人氣冰室，點了一份「雞翼蛋飯」，承惠69元，點知見到上枱的成品後，直指「竟然係咁樣，抵香港無人嚟消費」。帖文引來網民熱議，有人批評「20蚊就差唔多」，也有網民認為明買明賣無問題。
該網民日前在連登討論區以「69蚊個雞翼蛋飯竟然係咁樣，抵香港無人嚟消費」為題發發文，指自己幫襯一間人氣冰室，點了一份69元的「雞翼蛋飯」，點知上枱的成品，令他大為不滿。從其上載的相片，只見一碟白飯上有兩隻煎蛋，三隻浸汁雞翼另上，樓主直指「已經好耐無出街食，出到嚟69蚊都食唔飽，仲要無嘢飲，點叫人嚟香港消費」。
帖文引來網民熱議，有人批評「20蚊就差唔多」、「見到都唔開胃，好似食垃圾咁」、「貴係個碗到夠大，成個乞兒兜咁」、「返到屋企見係呢啲餸，就知老母心情好差求Ｘ其煮」、「呢個飯點都唔會值69」、「影出嚟個效果勁寒酸」、「食過一次貴價垃圾無下次」。
但也有網民認為明買明賣，「有埋相比佢睇，老老實實，同張圖真係一樣樣wor，樓主自己onＸ走去叫啫」、「唔明佢想人哋比咩佢，寫到明雞翼蛋飯」、「其實你叫雞翼煎蛋飯，你叫之前又知佢係69蚊，咁個飯究竟有乜嘢問題呢？」、「雞翼有色水，有跟汁，分開上，望落去乾淨，呢度都值69蚊」。
收藏
取消收藏
分享
