【點新聞報道】日前張敬軒正式展開「The Prime Classics HINS CHEUNG LIVE張敬軒演唱會」美加巡迴，首站於美國拉斯維加斯舉行。這次場地Caesars Palace的The Colosseum，以往有不少國際級歌手演出，如Celine Dion及Adele。據知，場地已多年未有邀請華人歌手到場演出，軒仔表示既榮幸又興奮，而且亦覺得別具意義，「今晚可以企喺呢個舞台上面，好開心，我仲用Adele嘅化妝間同埋坐佢張櫈㖭呀！」
即使日前微軟死機，令各地機場大癱瘓，但各地軒仔歌迷如紐約、芝加哥、洛杉磯、西雅圖及墨爾本等，依然排除萬難到場睇show，軒仔十分感謝。當晚演唱會歌單除了新歌《青春告別式》，亦有不少軒仔的代表作，台下觀眾跟着唱都變成「大合唱環節」，當唱完《餘震》後，軒仔興奮地說：「你哋知唔知啱啱嗰刻知唔知發生乜嘢事？我喺台度，好多朋友同我一齊唱呢首歌，突然之間見到呢位外籍女士，佢識唱《餘震》呀！佢真係好犀利！突然間令到我覺得自己好似一個外國明星，好犀利呀！我第一次見到有外籍人士唱我啲歌。」
演唱會亦有落台握手環節，不過落台前，軒仔語重深長地着歌迷要冷靜一點，原來因為去年新加坡站的「陰影」，更笑說大家不用錫住他，最緊要錫住支咪，「上次我哋喺新加坡，因為大家太熱情已經撞跌我支咪，我要特登send去德國整，整咗我兩隻勞力士嘅價錢，所以希望陣間大家唔錫住我唔緊要，一定要錫住我支咪，知唔知？」
除此之外，向來寵粉的軒仔這次亦帶了T恤送給歌迷，而且他更「效法」Adele去年演唱會上派發給歌迷T恤的方式，不過是「加強版」，「佢送禮物送T恤俾觀眾係有支槍嘅，一射就射到好遠，但今次我冇準備到支槍，但我準備咗一支炮！因為佢應該可以射到好遠，呢個時候我請我支炮出嚟先，呢個美國friend好勁，佢可以射得好⋯⋯呀，唔係，揈得好遠㗎。」隨後二人瘋狂將tee拋向觀眾，氣氛熾熱。
拋完Tee後，有歌迷大叫「拋埋軒仔」，於是美國朋友立即抱起軒仔作狀將他拋出，全場立即狂呼，最後，軒仔安全於台上着陸，「嘩！嚇死我呀！你哋知唔知我咁大個仔第一次俾人抱起。」引得全場爆笑。
（點新聞特約記者陳惠芳報道）
收藏
分享
