所謂禮多人不怪，說多些多謝、唔該，互相包容，可提升香港服務質素。日前有港女拍片讚揚一名電車車長，指見到對方每次停站時，都會逐一向落車乘客溫馨提醒「小心呀，慢慢行」，十分有禮貌，甚至遇見外國人亦會「轉channel（轉換語言）」。不少網民紛紛留言大讚「車長好sweet」、「禮貌是發自內心！」、「逐個講好難得、不得了，希望遲啲有機會遇到佢」。
該名女網民在社交平台上傳短片，表示自己一向好鍾意搭電車，但直指「咁有禮貌嘅司機，我真係第一次見」。她表示，該名車長會向每一位落車的乘客道別，溫馨提醒「小心呀，byebye」，甚至見到是外國乘客亦會「轉channel」，說「becareful, byebye!」。樓主表示，自己當日總共搭了5個站，車長每站都會重複以上說語。
有網民亦留言表示曾遇上該名車長，「我噚日好似都遇到呢位車長」、「我都遇過呢個長車呀！！」、「同佢say完byebye唔該哂 心情都好啲」。另有網民分享自身經驗，「我搭小巴同叮叮落車會講『唔該司機』㗎，巴士就有啲遠，怕羞」、「得閒落車或者上車可以同司機講句唔該晒！我平時都係咁」、「我之前搭巴士都見過個司機每個站都會同乘客打招呼」。
收藏
取消收藏
分享
