【點新聞報道】影帝謝君豪從影多年獲獎無數，演技毋庸置疑。豪哥最近特意抽空開辦大師班授徒，指導一眾新演員演技，當中包括劉沛蘅（Hiliary）、陳毅燊（ANSONBEAN）、陳紫萱（Summer）、林熙彤（Hazel）等。日前十堂演技課圓滿結束，學員們難得獲影帝賜教，都非常榮幸，亦感激豪哥傾囊相授，而見證學生們的蛻變，豪哥都非常自豪如成就解鎖：「佢哋每個人都有唔同嘅成長，呢樣嘢令我感覺打咗支強心針，即係自己教導都有啲成果，好似少少成就解鎖！」
大師班最後一堂，豪哥及助教陳錦龍導演跟學員們檢討學習成果並勉勵大家，眾人依依不捨更向豪哥送上感謝信，令到他相當感動：「教書好開心㗎，首先第一樣嘢就係溫故知新，做演員好基本嘅嘢，自己教書嘅時候會諗返，然後提醒返自己，教學相長我覺得好有意思。第二樣就是他們成長，真係好開心同埋感動。」豪哥讚賞他們每位在最後一堂結業表演都有突破，令他自豪感到成就解鎖，更言有少少做老師安慰嘅感覺。
早於2016年，豪哥就經已在香港浸會大學電影學院擔任客席講師，相隔多年又再執教鞭，皆因豪哥之前參與演出時，遇到一班非常好學的年青演員，另外一直都有不少人主動叩門求教，豪哥決定藉住最近兩個多月的空檔，開辦這個10堂大師班，他又補充指開班另一原因，是自覺有份傳承的責任。
豪哥滿意學員表現，大讚他們有心又有天份，但對學員來說，豪哥認為最重要還是有機會給大家實踐：「佢哋最缺乏嘅就係機會，其實一定要做得多，即係拳不離手。我呼籲大家（業界）都多啲年青演員呀。」問到會否再開班，豪哥虛心指要先收集一班學生意見，檢討今次課堂內容，至於如何可以加入「謝家班」，豪哥笑着回答：「好容易㗎咋，交學費，哈哈哈！其實最緊要就係你鍾意咯，因為好辛苦。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
