【點新聞報道】MTR e-Store現正發售「100%多啦A夢 & FRIENDS」車票套裝，即日起至8月11日，陪你走入百分百多啦A夢世界。點新聞帶你一文睇清購買攻略，喜歡的粉絲不要錯過！
每款「100%多啦A夢 & FRIENDS」車票套裝包括1張車票、一個迷你合金列車模型及一個月台紙藝模型。
車票設計圍繞「100%朋友召喚鈴」，召喚出多隻唔同造型嘅多啦A夢現身港鐵列車，完成車程後可作收藏之用。
別注版迷你合金列車分別以R列車同輕鐵一期翻新列車為設計藍本，車身以多款趣怪造型嘅多啦A夢同佢嘅主題藍色為主，搭配車門嘅「隨意門」色調，車頭仲有多啦A夢身上嘅鈴鐺圖案，滿滿嘅多啦A夢元素貫穿列車模型。
紙藝模型參考尖東站同輕鐵市中心站嘅月台，無須膠水或工具，一雙巧手即開即用隨處貼，創造100%獨一無二嘅車站模型。
2款多啦A夢1:1雕塑亦大駕光臨MTR e-Store金鐘站及香港西九龍站門市，現場可以買到車票套裝之外，亦可以同多啦A夢打卡影相。展期至8月11日，把握時間到訪啦！
購買攻略
「100%多啦A夢 & FRIENDS」車票套裝款式可前往MTR e-Store購買。
購買渠道：網上商店
金鐘站門市：B出口旁，閘外非付費區
香港西九龍門市：B2抵港大堂13號舖。
目前，網上商店的輕鐵列車及市中心站及組合商品已售罄
售價：港幣288元/款
數量有限，售完即止。
此外，車票有效期為購買當日起30日內，憑票可乘搭港鐵本地車程一次，不包括高速鐵路、機場快綫、東鐵綫頭等、羅湖及落馬洲站的車程、輕鐵、港鐵巴士及港鐵接駁巴士。
相關閱讀：
收藏
取消收藏
分享
稿件由上傳 · 文責自負 · 不代表本網立場
