最難搞是人有三急，網上流傳一段影片，有的士司機疑在燈位前落車當街小解，不少網民看後都批評的士司機行為缺德。
有網民在fb「車cam L(香港群組)」上載影片，顯示事發於本月5日晚上約8時，地點相信為將軍澳工業村。片段可見一輛的士停在燈位前，的士司機亮起「死火燈」後，落車向尾隨車輛司機舉手「耍冧」示意，便轉身疑當街小解。
尾隨車輛上的人士對的士司機的舉動感到嘩然，稱「你老鼠，你唔係喺度屙尿呀嘛？」，另一男子則說「咁都得呀！咁X急呀，黐X線」。隨着燈號轉為綠燈，尾隨車輛切入慢線駛走，並在駛經該的士時表示「師傅，你好嘢！」，的士司機則回應「係呀係呀！急起上嚟……」。
其後，樓主在留言區補充指，「在前少少有一個公廁，的士大佬冇理由唔知道。」網民對該的士司機行為議論紛紛，「就算真係急到瀨你都可以駛埋一邊，點都唔應該喺快線屙啦！」、「其實過咗燈位行多幾百米有個巴士站有廁所，同埋應該帶定膠袋、膠樽，自己車內搞掂。」亦有網民認為「做過職業司機就知道去廁所難，我唔覺得要取笑別人」「差一個路口到廁所，應該真係忍唔住」。
收藏
取消收藏
分享
