【點新聞報道】向來愛在MV中帥氣登場的呂爵安Edan，於今日（21日）推出新歌《月光奏明曲Moonlight Sonata in 「E」 minor》，他更打破常規以極度邪惡造型演出。
Edan說：「呢首歌已經做咗成年，當時係想做一首Classical加跳唱嘅作品，跟住就揀咗貝多芬《月光奏鳴曲》，然後我哋再諗用月亮去延伸，諗下講咩好：月亮本身唔識發光，只係因為太陽嘅照射，人類喺地球上望上去，先見到月圓月彎唔同形狀，但佢本身係暗黑球體。我哋跟住諗到，想藉此比喻喺資訊咁發達、速食嘅社會，我哋睇每一件事就好似太陽照落去，佢係咩形狀就係咩形狀，唔會細心用時間去研究。」歌名中的「鳴」變了「明」，有道出真相的含意。
為了突出歌曲的主題，Edan除了會帥氣彈着鋼琴現身外，他亦化身成惡魔。這個突破的造型，亦令Edan回想起過去參加《全民造星2》時的Joker造型，Edan道：「呢個造型令我諗返起《造星2》玩Joker嘅一啲瘋癲同黑暗形態，又或者係哈利波特嘅表演，但Solo作品一直未有呢個機會，今次係幾好嘅Timing去嘗試。」
惡魔的造型以漸進式呈現，有少少煙燻眼狀、塗黑手指甲再配以道具指甲，到臉上的紋愈來愈多，雙手以彩繪形式塗至漆黑，再配以黑色翅膀，是Edan前所未有的邪惡。Edan更謂，他飾演的惡魔，其實揭露了世界人類的醜惡。
（點新聞特約記者陳惠芳報道）
收藏
取消收藏
分享
