有「黃店」搬屋公司爆出疑似盜竊事件。近日有網民在社交平台發文，指一心諗住年青人搬屋會穩陣啲，點知搬完執屋時不見了一部ipad。由於疑似盜竊發生在搬運時的墨斗車內，沒有閉路電視，因此對方拒絕承認，故發文提醒大家留意。
該名網民在fb群組「搬屋公司黑名單」發文指，近日幫襯了黃店「港青搬屋」，當日搬屋時，「我個ikea三桶櫃時話要打側，我同佢哋講入面有ipad小心啲」，到上好貨出車，由於座位不足，有兩個跟車要喺墨斗入面坐。中午搬好，樓主就開始執屋，「執到約凌晨一點，發現櫃內ipad同電視仲有Dyson風扇remote都唔見咗」，樓主即刻聯絡「港青搬屋」，惟對方拒絕承認。
樓主無奈指「就咁就被人偷了(ipad)」，只好發文提醒大家唔好再搵該搬屋公司，「到底墨斗入邊發生過咩，無cam我唔會知，只係提醒大家唔好再搵呢間嘢，二十幾歲聽到有ipad就偷。」
黃店「港青搬屋」事後在專頁發表聲明否認事件，指搬運時櫃內根本唔應該有物件係到，所以唔存在盜竊客人物品。當日同事冇強硬地清空櫃內物品是行使酌情權，又指事件完全唔符合邏輯，會保留一切法律追究權利。
收藏
取消收藏
分享
稿件由上傳 · 文責自負 · 不代表本網立場
