【點新聞報道】許靖韻（Angela）新歌MV《被吃掉的靈魂》昨晚（17日）上架。整個MV中，Angela坦言第一場戲最令她印象深刻。
Angela說：「其實首歌係好emo，咁啱拍第一場海邊景，個天落毛毛雨，成件事好襯首歌。如果今朝我哋拍嘅第一場係陽光普照或者係好好嘅一個天，我就覺得同呢首歌夾唔到。」其實鏡頭前後，同樣有着極大對比，「其實我嘅情緒應該要比較唔開心、心比較負能量，但係因為我哋拍攝期間嘅環境其實係好歡樂，當時候好多學生同埋有其他人喺側邊游緊水，好歡樂，所以我覺得同我形成咗一個好大嘅Contrast，所以我比較難忘同深刻都係今朝早第一場，喺海邊拍嘅呢一幕。」
Angela表示這首負面的歌，當她消化歌詞，「我覺得有時候『攰到想死』掛在嘴邊，但唔會真係畀自己死。」雖然她一直予人開朗正面的感覺，但總有沮喪的時候。她形容自己是一個極端的人，情緒可以由零跳到一百，「平時可以好開心，但唔開心時我係爆發式咁喊。試過喊足一日，頭痛到食止痛藥先瞓到覺。」
（點新聞特約記者陳惠芳報道）
相關報道：
收藏
取消收藏
分享
