【點新聞報道】藝人林德信（Alex）近年在音樂上和歌手鄭嘉嘉緊密合作，近日共同創作新歌《Drifting in Hyperspace（超空間）》，MV更以暗黑風融入跨年代曲風。
Alex在新歌負責Rap的部分，鄭嘉嘉則唱普通話，中西合璧從80至90年代曲風零違和感融入當下節奏。Alex說：「呢首歌創作時參考過導演David Lynch的作風，所以MV都係超現實、暗黑風格，亦用咗好多懷舊道具布景。80年代嘅香港係好開心，夜生活亦好豐富，好多人都會去跳下舞，就好似今次MV以Disco做場景， 服裝又有點復古，就是想向80年代致敬。」
今次MV開場和結尾都見到一個古老電視，像要帶大家穿越到過去年代，在電視左上角的「Dragon I TV」亦好有懷舊感覺，當年夜蒲一族要「落D」，Alex說：「我冇聽過爸爸去Disco，只係見佢收工就返屋企瞓，反而我以前玩音樂，好多時玩到深夜三、四點，會去After Hours Club玩音樂，感覺好正！聽到音樂就想跳舞，所以創作Hyperspace概念，就係想帶俾大家呢種空間感，享受音樂、享受跳舞。」
今次新歌有電子音樂元素，亦有舊式UK Garage的Rap，音樂節拍很強勁，一聽就會想跳舞，所以Alex與嘉嘉要勤力練舞。Alex說：「嘉嘉跳舞比我好得多，我就真係要苦練，以前拎住結他，以創作歌手形象出現，但Hyperspace要有好多能量，我同嘉嘉需要放低樂器走出來跳舞，所以要上堂學跳舞，甚至重新學唱歌，唱住歌跳舞同唱彈結他唱歌真係好唔同。」
（點新聞特約記者陳惠芳報道）
相關報道：
收藏
取消收藏
分享
