【點新聞報道】香港動作片《九龍城寨之圍城》票房勢如破竹，今日（10日）趁端午節舉行「龍捲風襲港日」特別謝票場，古天樂偕同黃德斌、林峯、劉俊謙、胡子彤、張文傑、伍允龍及「魚蛋妹」王尹菁到場與觀眾見面。古天樂更親自宣布電影已達逾一億票房。
古天樂說：「《九龍城寨之圍城》過咗一億啦！希望觀眾繼續支持，冀《九龍城寨》可以更上一層樓！」日前，古天樂好友兼多年拍檔劉青雲主演新作《談判專家》上映，青雲曾笑言怕拖低票房大勢，古天樂則笑指：「我以為會拖低咗我哋個票房添！我覺得最緊要百花齊放啦，都係香港電影、大家都要支持！冇話邊個拖低邊個，都係好電影。」
同時，該片粉絲希望親身進入「城寨」參觀，對於坊間眾多方案提議，古天樂表示需要慎重考慮：「盡量啦，但某程度上技術性有啲難度，我哋個景係拍戲用參觀日子耐咗始終會失修，呢一方面嘅考慮要好謹慎，還是整多個實景出來畀佢哋參觀，我覺得會比較安全、個景建築可能會比較穩陣。」
古天樂更表示，拍攝時場景比外界想像複雜：「我哋喺成豐片場拍，兩個大廠房加埋出面空地搭晒成個景，好難重現到。當時我哋個景其實可以隨時變化，因為城寨裏面迂迴曲折，所以我哋拍完場，休息一兩日轉過個景，入去先再拍。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
