【點新聞報道】由黎芷珊主持的《芷珊約您》，本周日（9日）晚上9點半翡翠台播映最後一集。芷珊跟隨溫拿，特別為觀眾送上受訪嘉賓的連串彩蛋。
在美國巡迴演唱的軒仔，在開騷前與芷珊去到雀兒喜市場閒逛relax，芷珊問到他是否是追求物質的人？軒仔笑言：「要喺香港做到五蘊皆空係好難，我自己一個人喺香港生活，冇乜特別嗜好，我又冇車牌，錶都唔多，西裝錶一隻，運動錶兩、三隻，但好睇重住嘅地方，因為我唔係呢個城市出世，所以希望呢度有個舒服嘅屋企。」芷珊問到他願意花多少錢買家品？軒仔笑笑口說：「睇吓件嘢有幾靚，我都試過用一隻錶（意指名錶）嘅價錢去買一隻杯，以前囉，依家唔會！」
陳慧琳（Kelly）自走紅後經常被一堆粉絲圍着，她透露疫情期間最Free：「個個戴住口罩，我好似發哥咁搭地（港）鐵周圍去，冇人理我！」問到是否嚮往自由？Kelly坦言：「都鍾意嘅，但都鍾意人哋鍾意我，好矛盾！」Kelly又大爆2008年萬聖節化身蜘蛛俠去蘭桂坊夜蒲，而且冇人認得，她笑言：「入咗行之後冇機會萬聖節去玩，嗰時貪玩，諗住化到鬼五馬六啲人都認唔到我啦。但原來唔得嘅，結果買咗一件蜘蛛俠嘅衫，由頭到腳包實晒，嗰次好好玩好放，完全冇人知係我嚟。」
安仔則帶芷珊去到一間機構探望貓咪，他透露這幾年做了寄養家庭照顧過6隻貓咪，在他人生低谷時，安仔亦是靠着照顧貓咪得到心靈慰藉，他說：「（寄養）過程係好舒服，佢哋好似幫緊我咁，成日想同我傾偈，我會話我哋係互相幫忙，佢哋好值得擁有好好嘅家庭。」
Jackson於2023年登上福布斯中國U30精英榜，是實力的證明，惟風光背後卻有人以為他得個殼，他說：「一直以嚟演唱會、MV都係我自己Direct，但當你有一個藝人嘅Filter（濾鏡）時，人哋會覺得你識鬼咩，唔會咁有說服力，所以我希望明年集中做幕後，做番啲嘢出嚟。」芷珊問到是否想證明自己？Jackson直認不諱：「Yeah，係咪好好勝？」
（點新聞特約記者陳惠芳報道）
相關報道：
收藏
取消收藏
分享
