【點新聞報道】食物的偏好因人而異，有港男日前表示幫襯一間米芝蓮必比登推介的餐廳，點了一碟價值95元的雞髀鵝髀雙拼燒味飯，吃過後力數4大問題，包括唔夠熱、飯好乾、雞無雞味、鵝無鵝味，直言「狠狠的智商稅」。
該港男在香港討論區以「呢篤碟頭飯$95。留港消費真係智商大考驗」為題發文，話幫襯車胎人必比登推介的餐廳，點了一碟雞髀鵝髀雙拼燒味飯，吃過後力數4大問題：第一個問題是飯係唔夠熱，「燒味飯要飯熱到辣嘴，咁先可以順便烘熱番啲燒臘，呢間只係暖暖地而矣」；第二個問題是飯好乾好行好鞋口，「應該連泰國米都不是，只是廉價的越南米」；第三個問題是雞是冰鮮雞無疑，「無雞味亦無豉油味，失敗中的失敗」，最後是燒鵝問題，「啲肉柴到報紙碎咁，90%是隔夜鵝髀翻熱沒錯，入口死鹹，完全無鵝味，燒鵝價錢，蔗渣味道，仲要爆骨差啲哽骨死，因為翻熱over cooked所以爆骨」。
之後，樓主再發布一張深圳燒味茶餐廳雙髀飯相片，留言指「沒比較沒傷害，即係好似法拉利同本田咁，大家都係4個轆1個軚盤，唔係差好遠啫，哈哈哈」。
帖文引起網民熱議，「唔掂呀」、「水魚餐。好貴」、「燒到乾晒，柴皮啦！95蚊？50蚊都唔想食」、「物非所值」。不過，也有網民認為口味因人而異，「雙髀飯係咪都100蚊上下，100蚊一餐晏唔係咩大錢，彈三彈四不如唔好食。」
收藏
取消收藏
分享
