【點新聞報道】由兩位愛車之人周家怡及李靖筠（Gladys）拍攝的網上駕駛節目《恨駕女團》新一集昨晚（5日）上架，今集二人衝出香港，飛到日本大阪，還給她們恨駕「86」成真。
出發前，家怡問Gladys到日本後想開什麼車，Gladys表示想開JDM(日本境內合規格的車)，二人又晒出國際車牌準備就緒。抵達大阪後，二人立即去到租車車行，車行內陳列出各式各樣的中古JDM車款，兩人興奮地參觀一輪後，最後選中動漫電影《頭文字D》中，男主角藤原拓海所開的「AE86」。二人坦言一直都想開「86」：「講咗好耐一路都揸唔到，一路都冇借到86，而家喺日本揸86！你明唔明嗰個感覺、嗰個儀式感！真係好感動呀！」
雖然「恨駕」86，但由於車款是1983年出產，加上操作規格跟現代車有少許分別，以致一開車便出師不利，負責駕駛的家怡一開始便停泊在路邊，「個死火燈係喺……冇死火燈嘅？我唔知架車個死火燈喺邊。」最後拍攝團隊上前解圍，終於能夠順利出發。一路上，家怡大讚車輛保養得很好，「佢唔係淨係個樣好，我而家揸起上嚟我都覺得佢精神。」Gladys亦謂：「比我想像中扎實喎個感覺。我覺得呢架車同我哋之前咁多集嘅駕駛樂趣好唔同，第一因為係古董車啦，同埋我哋人生路不熟，哈哈。」
二人又分享日本自駕遊經驗，「喺日本要用佢哋本身install咗嘅導航係準好多。」家怡十分贊同，「嚟親日本自駕，入導航嘅時候，我唔會將佢轉做英文，我一樣用番日文，反而一去咗英文，就好難睇，呢個都係俾觀眾嘅少少貼士。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
