【點新聞報道】《直播靈接觸》昨晚（3日）播出的第十三集主題是「因果報應」，並邀得「三太」樊亦敏（Amy）擔任嘉賓。
原來Amy除了是「入道弟子」，亦是「乩童」，曾參與不少扶乩儀式，並主要負責抄寫乩文。Amy還分享了一名女性朋友險些誤墮「性交轉運」騙局的驚險過程。「我有個朋友流產、情緒好低落。有朋友就介紹咗啲師傅佢識，師傅話佢前世做咗有啲嘢唔好，所以同子女無緣。」Amy續指該名師傅吩咐其友人私下獨自找他作法，作法前更向其友人說：「其實你個樣都生得幾靚，你咁後生都仲有機會（再生B）嘅……你身體太多陰氣、要驅走，我係師傅好多正能量，我有個獨門方法可以向你注入陽氣。」Amy指師傅一說完便行近其女友人身邊並着她坐好，幸好友人老公於千鈞一髮之際瘋狂拍門阻止事件。
Amy語重心長說：「大家情緒憂傷時真係要警惕，睇清楚個師傅係咪真係可以信賴。」思浩聞言亦和應：「過往廿年我都揭發咗唔少神棍，其實好多方法都可以轉運。」Amy接着說：「種善恩得善果、令自己正能量多啲都係一個方法。」
另本集一開始，思浩即宣布6月25日是最後一集播映日期，隨即吸引大量網民留言要求「加碼」，思浩事後受訪時笑言：「真係好多網民留言要求加集數，希望高層聽到啦。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
