【點新聞報道】佘詩曼（阿佘）日前生日，獲各地粉絲為鋪天蓋地慶生。而每年生日，阿佘最要感謝母親。阿佘向來孝順，每年生日都會跟至愛的母親一同慶祝，今年也不例外。阿佘昨日（29日）於社交平台上載了一張跟母親的合照，相中的她從後緊抱令媽媽冧爆甜笑，非常溫馨。
阿佘更留言：「每年嘅生日都提醒我要感謝爹哋媽咪帶我嚟呢個世界體驗同學習。今年踏入第49年喇，好似做咗好多嘢，但係又好似有好多嘢仲未做，要學嘅嘢仲有好多好多，其中一個大課題就係生老病死。喺媽咪唔舒服嘅呢一年半，我好似又大個女咗，變得更堅強。健康當然重要，但係開心始終係第一位，淨係日日都見到媽咪呢個招牌笑容都冧晒啦～我今年嘅生日願望係希望大家一齊集氣，祝佘媽媽身體健康。」
此外，阿佘亦於限時動態上載一張拿着一碗燒賣的照片，更表示：「踏入49歲嘅第一日，最想食嘅嘢！」
此外，無綫監製鍾澍佳亦送上蛋糕，與壽星女吃飯慶生。當然還有阿佘的好姊妹「七魔女」成員周家蔚、湯盈盈、梁靖琪等人，眾人送上超級大壽包為她慶祝。
（點新聞特約記者陳惠芳報道）
收藏
取消收藏
分享
