「威威」大埔豬肉檔疑結業 網民驚訝:威威又失業?

荃灣豬肉佬劉宋威、暱稱「威威」,曾於2022年因戴口罩後,貌似MIRROR成員AK(Anson Kong)而爆紅,但其後被爆連串負面新聞,加上「終極一脫」除罩拍廣告,即出現脫粉潮。去年曾有人拍到「威威」現身大埔一間新開張的凍肉店,豈料該店已經結業,有網民留言慨嘆「間舖都執埋,睇嚟佢翻身冇望!」

有網民於一個fb群組發文分享威威最新狀況,表示「突發報料,豬肉威間舖都執埋,睇嚟佢翻身冇望啦」。從上載的其中一張相片所見,凍肉店去年4月開張時,威威不再戴口罩,以白恤衫配黑色長褲,落手落腳打點搬貨。另一張相片則可見,凍肉店已結業,店內只剩下一些雜物,門外鐵閘張貼一張「成功租出」的告示,相信經已易手。

帖文隨即引來大批網民熱議,不少人對此感到驚訝,「威威又失業?」、「威威冇得威」、咁辛苦做馬騮戲,最後連個本都蝕埋咁慘」。另有網民威威早已退出幕前,「放過佢啦,有咩仇口要咁樣咬住?」、「都退出咁耐,仲狙擊佢做乜」、「算了吧!... ...已成過去了。勿再提及他吧!」

收藏收藏
稿件由上傳 · 文責自負 · 不代表本網立場

「威威」大埔豬肉檔疑結業 網民驚訝:威威又失業?

收藏收藏
稿件由上傳 · 文責自負 · 不代表本網立場