患上罕見鱗狀癌 顏國樑病逝終年75歲

【點新聞報道】顏國樑早年因《香港81》中飾演「陳積」而為人熟悉，離開幕前多年於上年初復出，並自揭2022年患上罕見的鱗狀癌，今日（26日）傳來噩耗，顏國樑最終不敵病魔逝世，終年75歲。

梁思浩早前曾與顏國樑和老婆一同做節目，他今日亦在社交平台出post，指收到顏太通知顏國樑的死訊，他說：「收到沉痛嘅消息，顏太講俾我聽：顏先生昨晚22:30安詳地離開了，顏太太節哀順變。你丈夫好痛錫妳，所以我亦幫佢一個心願，佢要同妳留下一個美好嘅片段同回憶！所以嗰日電視台出鏡，佢千叮萬囑我，要將佢太太拍攝得美麗，（因為太太在他心目中永遠都係最靚最溫柔）亦都等你哋兩個喺人生嘅片段裏面有一個最溫馨美好嘅回憶！顏先生一路走好。」

上月顏國樑與太太霍潔貞亮相梁思浩節目《直播靈接觸》，當時顏國樑精神比以前氣色好，接受化療及免疫治療後，今年一月初又遇癌症復發，昏迷留院半個月險入鬼門關。當時梁思浩指，回憶年初得知顏國樑出事：「嗰15日真係生死邊緣，你真係要多謝太太。」霍潔貞透露當日護士指顏國樑情況非常危急，並表示只要3分鐘內救不到就會死。原來在藥石無靈階段，顏國樑彌留之際，太太毅然請師傅「續命」，顏太指：「佢好困難吸緊純氧，每一秒都好用力、好辛苦呼吸，好似隨時會停止咁，心情真係好驚。去咗濟公廟誠心求拜，同埋拎佢平時寫嘅心經去化咗佢。」

鄧英敏接受電話訪問時，透露顏國樑是昨晚在醫院離世，指他心臟、聲帶及呼吸均有問題，已多次出入醫院，原定昨晚到醫院探望，後來要等另一位朋友，計劃改今天才探望，沒料昨晚他已離世，問到顏國樑離世原因？他說：「我都同佢太太了解緊，有同佢講有咩幫手出聲，雖然佢太太有心理準備，但心情都需要時間平復。」他又表示另構思明晚找來昔日EYT同事，於網上頻道舉行小型追思會，緬懷與顏國樑的共同點滴。與顏國樑合作無間的薛家燕，表示收到消息很愕然：「我舊年先同佢做過電台訪問，講佢點樣醫病，當時佢都好積極面對，雖然嗰次之後就冇見過，但大家都間唔中透過短訊聯絡，希望佢家人節哀。」