【點新聞報道】阮兆祥、李思捷、王祖藍主持的《福祿壽訓練學院》，明晚（26日）播出第7集的「生死對決」是第二回合「1對1扮嘢對決」。
第二回合評分的是現場觀眾及專業評審伍仲衡。為了收復失地，祥師兄派出最強武器、有20年扮演郭富城經驗的彭建豪出戰；而祥師兄選擇的PK組別，則是全隊零郭富城模仿經驗的Team Luk。彭建豪是次轉型挑戰深情慢歌《我為何讓你走》，順道獻給三位陪伴了自己20年的「天王」拍檔——嘉傑（黎明模仿者）、楊彥偉（張學友模仿者）及梁德華（劉德華模仿者）。建豪感性地說：「以前我哋係4個人一齊去內地好多電視台錄節目，可能大家都有一定年紀，有自己各自嘅家庭同工作，依家我自己一個人嚟TVB，心裏面好感觸。」與郭富城有90%相似的建豪深情獻唱完畢後，還大派勵志熱血bite：「希望大家會記住我個名，我係歌手彭建豪。」場面感人。
伍仲衡對彭建豪表演亦讚不絕口：「我喺電視睇完你，就好想睇呢個節目，你比郭富城更加郭富城，我相信得一個人可以PK到你，就係郭富城。」
面對強敵，祖藍派出外形及聲線均與郭富城爭一截的吳兆麟（Alan）應戰。Alan跟足城城《第四晚心情》經典裝束出場的他，大晒超強胸肌，本身有拉丁舞底子的他配以地獄式日練夜練，成功憑超強「舞」功及body一鳴驚人，加上大量自摸、單眼、震胸及扭腰擰臀動作，全場尖叫及歡呼聲不絕於耳。出名閹尖的伍仲衡亦讚不絕口：「你真係跳得好好，我略嫌有少少似鴨，好輕微架啫，尤其是你嗰幾吓（邊說邊扭腰擰臀），好似想人塞錢落你嗰褲咁，郭富城唔會咁嘛。如果你能夠再收番嗰少少哩，就係舞台王者，依家就鴨店王者喇。」爆笑全場。
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
