【點新聞報道】搭巴士要遞手截車，向駛近的巴士發出清楚信號，巴士才會停下來，讓你上車。不過，近日有女網民指，一名巴士車長因為她沒有「伸到隻手出晒嚟」，因而沒有開車門，她上車後與車長發生口角，事後將影片放上網公審。不少網民看過後，都反轟女子無理取鬧，「呢次撐巴士佬」、「巴士站又唔咪得一條線……你唔遞手，人哋司機點知你坐咩線嘅巴士？」
該名女網民在fb群組「突發馬路車cam大全」發文表示，日前在巴士站等車，已站在巴士線的位置上，並一直有伸手，不料巴士車長仍沒有打開車門上客。她後來上車後與相關車長口角，帖文表示「而家先知等巴士要伸到隻手出晒嚟，直一直先可以」，又質疑「巴士司機到站，只係落客，唔開上客門？」
據樓主上傳的影片顯示，她上車後，直斥巴士車長「巴士站等車唔開門，就話我唔遞手所以你唔開門，啱唔啱啊？」，車長回應道「可以咁講啦。」女子隨即反駁「咁唔使喺巴士站啦，遞手就可以截車㗎啦巴士，你咁搞笑嘅你」，其後車長說了一句「垃圾」，女子就反擊「你咪垃圾囉，話我垃圾」，影片到此結束。
影片引起網民熱議，不少人都認為女子無理取鬧，「小學都已經知搭車遞手示意啦」、「搭車遞手 上車比錢 落車禁鐘，咁簡單都要教真係慘」、「冇人搭，冇人落，可以唔停」、「巴士都未識搭，仲行車期間騷擾司機，博拉？」。不過，也有部分網民認同女子的觀點，「巴士站有人企喺度等車就一定要開門，我好少見到人喺巴士站遞手上車。」
收藏
取消收藏
分享
