【點新聞報道】TVB《東張西望》連日來報道老翁「何伯」與年輕逾30年的內地嬌妻閃婚，引起全城熱議，網民幾乎一面倒力撐子女。《東張西望》昨日（6日）繼續跟進事件，何伯指責五子女對自己不聞不問，大讚「我冇娶錯呢個老婆啦」。而網民卻將焦點落在主持與何伯一段對話，質疑何太一改鏡頭前小鳥依人反而露出其他面目。
何伯向主持人魏柏豪稱近來多次致電給子女都沒有人接聽，甚至之前染上新冠，五子女都不聞不問；惟之後何伯又改口指大女曾在凌晨12時至清晨5時無間斷打50次電話給他，甚至發訊息出言侮辱：「我親愛的父親你死咗未？咁耐都唔覆電話。」新婚妻也表示被老公的子女辱罵：「佢哋搏命鬧我，鬧到我都怕咗，都唔敢再聽佢哋電話啦！」
之後魏柏豪陪同何伯及何太主動找仔女，但是原本同住的二仔家中已換鎖，到細女工作的醫院求見不成，細女更拒絕與爸爸溝通，表示要報警。何伯嘗試打電話給細女老公，反被對方用粗口「回敬」。新婚妻則多次在鏡頭前激動痛哭，聲稱要一生照顧何伯：「我有一啖飯食，佢就有，我唔會畀佢餓親。生意失敗嘅話，我都會打工養佢，佢唔使憂。」何伯大受感動，大讚老婆：「證明我冇娶錯呢個老婆啦！」
此前節目透露，何伯與細女有開聯名戶口，阿伯與年輕逾30年、有18歲兒子的妻子閃婚後惹來五名子女不滿，細女更調走聯名戶口中的450萬元，令一家人反目。魏柏豪問到何伯當初為何與細女開聯名戶口，此時何伯就說：「我都幾十歲，希望我走咗之後，佢可以繼承得到。」詎料，鏡頭外何太激動插嘴：「係處理得到，你唔好講承繼，唔係佢承繼呀嘛，你用詞用好啲，好唔好？」何伯則尷尬說：「得喇得喇！」
網民在網上討論新婚妻的行徑，指她鏡頭後小鳥依人感全失，有網民則指「連用詞都諗過度過，分分鐘同人研究過上庭嘅嘢，對啲錢緊張到咁」。另有人留言覺得細女貪錢，有網民則反駁：「如果係貪錢，做咩個戶口開咗成廿年，等阿伯逐啲逐啲洗減一截，而家先拎錢走？早十年拎咪得囉，係嗎？」
（點新聞特約記者陳惠芳報道）
相關報道：
收藏
取消收藏
分享
