不少港人當初以為移民外地後就可以安枕無憂，但現實是否如此呢？答案當然不是。事實上近年已有一股回流潮，相信過多段時間之後，將會迎來另一個小高峰，有網民斷言「嗰啲嚟咗幾年又冇已入學小朋友嘅，攞到PR/國籍後，一半都會回流返香港」。
過往有唔少KOL都帶動風向叫人移民，好多港人耳仔軟，聽人氹兩句就盲舂舂咁話要一齊走，近來睇返唔少移民外地嘅港人分享，佢哋都話去到外國好唔習慣。有網民在社交平台的移民群組發文指，「近日只要上各大社交平台，細心去睇po爬文，就會發現隱隱約約一股回流潮正在靜靜地發生」。
樓主分析指，「好明顯，呢幾年由聽youtuber X噏，到親身體驗英國、加拿大嘅真實生活，經濟不景、就業困難、稅高人工低、生活成本勁、治安問題、文化不適應、悶到抽筋，有一部份人終於明白外國生活係乜一回事，終於都知道究竟自己適唔適合喺外國生活。」他更形容，這些切身衝擊，比通過生效的《維護國家安全條例》來得更有切膚之痛。
「畢竟，個個都移民，唔通個個都想移民咩！」樓主相信，除了因為小朋友之外，好多人都抱着唔好執輸的心態，點都要攞本護照傍身，「當中起碼一半你估真係真心鍾意外國生活咩」。
有網民認同樓主的睇法，「同我睇法一樣，攞到永居或護照後，一定會爆發另一波回流潮」，有人認為「回流之所以咁令人反感，係因為條遮醜布冇得用呀！大佬貪個護照唔可以講出口嘛！咪講到自己走難、為咗下代等等⋯但一發現冇得搵錢仲唔哭咩」。
收藏
取消收藏
分享
稿件由上傳 · 文責自負 · 不代表本網立場
