【點新聞報道】《神耆小子》明日（6日）播映，主要演員包括鄭則士（Kent）、冼靖峰、蕭正楠、樊亦敏、曹永廉、傅嘉莉、羅毓儀。樊亦敏首次和Kent哥合作開心又榮幸。
樊亦敏（Amy）飾一名機智女公關，為了打造女強人感，Amy梳了一頭清爽直短髮，Amy事後笑言其實是假髮：「我換咗呢個髮型後，好多人讚我短頭髮靚，話好年青、好Fresh。我自己都好鍾意，因為同之前嘅角色（嘅造型）唔一樣。」
談到與Kent哥合作，Amy坦言開心又榮幸，更透露Kent哥其實是為食大細路：「好似我哋買零食，佢又要夾錢同食埋一份，同埋因為Kent哥好熱愛拍攝，所以對身邊每個人都好留意，會畀好多意見人。」Amy又笑言拍攝《神耆》是快樂不知時日過：「我哋成套劇好似不知不覺就拍完咗咁，因為好多嘢都好多順同夾到。」向來坦率的Amy，更預告在劇中將有性感鏡頭。
傅嘉莉（Kelly）在劇中有一幕以學生妹造型上陣。現年39歲的Kelly穿上藍白色校服配以青澀笑容令人眼前一亮，加上俏皮又溫柔地餵Edwin食雪條的畫面，「初戀」感覺爆燈，更有不少網民留言表示想起昔日經典檸檬茶廣告：「好掂呀」、「少女感十足」、「好靚好青春」。
（點新聞特約記者陳惠芳報道）
收藏
取消收藏
分享
