【點新聞報道】《香港婚後事》昨（25日）晚首播，由《婚後事》四位主角陳自瑤（Yoyo）、賴慰玲、黎諾懿及羅天宇擔任主持。今集嘉賓邀請了為劇集《婚後事》翻唱主題曲《傾城》的曾比特（Mike），他更罕有分享愛情觀及對婚姻的看法。
Mike以神秘嘉賓身份彈着吉他出場，Yoyo大讚他是有才華有魅力的男人。談到婚姻議題，Mike有感「結婚」在現今社會變得形式化，並謂伴侶相處溝通才是最重要：「結完婚都可以離婚，只係一張紙。如果同佢好close、大家相處好有愛嘅話，結婚係令大家的關係更加升華；相反，本身唔係相處得特別好，結婚只不過係將呢個形式轉去第二個形式，冇解決過問題。」Yoyo問到將來可會跟伴侶生兒育女時，他坦言：「未有資格成為一個爸爸。」
黎諾懿和羅天宇本集還有額外任務，就是盤點網絡十大男生最討厭女生行為，二人揭曉答案前訪問了Mike的想法，他指最怕女生約會遲到，並搞鬼以「我個朋友」身份分享曾等足7小時的深刻記憶。另問到Mike可否接受監控狂女友時，他直言不介意遭另一半查看手機，大前提是頻率問題：「半個鐘睇一次就over得滯！點樣令佢有安全感，呢個可能係我嘅責任。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
