孩子被欺凌，父母最心痛！ 近日一位移英港媽在社交平台上發帖，稱自己的兒子在學校被同學歧視、欺凌，搞到患上焦慮症，惟校方只想踢佢出校了事，教育局就回應指涉及歧視，就要訴諸上法庭，港媽為事件「喊咗好耐」，直言「心很累...」。
該名移英港媽在社交平台的移民群組發文表示，兒子喺英國學校被歧視、欺凌，「叫佢做清朝人、打佢、踢佢」，兒子因此而患上焦慮症。然而，校方和社工都沒有伸出援手，「學校只想踢佢走，社工企喺學校嗰邊」。徬徨無助的港媽向教育局反映事件，當局回覆指「涉及歧視，要上法庭告」。港媽心痛兒子「喊咗好耐，心很累...」，遂發文詢問網民意見。
有網民認為，「的而且確涉及種族歧視，有足夠證據嘅話告上法庭都係好嘅，要畀佢哋知道任何膚色嘅人都係平等，如果唔係對小朋友造成嘅影響係一生一世」、「NHS驗傷拎record，然後報警」。另有網民就開解港媽指，「呢個根本就係一個必經階段，返政府學校被人有肢體接觸欺凌，呢啲係好濕濕碎，趁早接觸同認識呢個世界嘅殘酷，都係學習嘅一部分」。
收藏
取消收藏
分享
稿件由上傳 · 文責自負 · 不代表本網立場
