點新聞 ｜ 每日點新聞 點解香港事

【點新聞報道】清談節目《Mayanne小喇叭》由麥美恩（Mayanne）擔任主持，今晚（19日）播映最後一集。今晚一集，Mayanne邀來林盛斌（Bob）、朱咪咪、吳若希及袁偉豪（Ben）擔任嘉賓，大談「襟撈」定義兼八卦地狂數三名「襟撈」型男，分別是郭富城、碧咸及陳豪。

事緣阿Bob談到「願意合照」是藝人襟撈其中一個準則時，Mayanne興奮地大談與碧咸的一次同台經歷：「當時我做MC，安排緊啲客同碧咸影相，佢就擰轉頭同我講『Would you like take a photo as well？』」隨即引發全場尖叫。

城城則獲阿Bob點名讚「合照來者不拒」。阿Bob又謂「願意合照」其實是藝人絕佳公關：「嗰個人搵你影相，係因為佢鍾意你，佢咁同你影，第一佢好開心，第二可能放社交平台讚吓你。」阿Bob續指農夫亦相當識做：「有時面對一啲新人或業餘主持人，佢哋上台前會問製作單位主持叫咩名，上到台就會叫嗰個人個名，個主持人就覺得受尊重。」

至於被即場票選為「唔襟撈」代表的吳若希，及舉手自認「唔襟撈」的阿Ben，亦先後獲機會「自辯」。阿Ben自與太太張寶兒結婚後飽受不少負評，直認當初確實介意，但現在已看化：「當然嗰個係一個階段，呢刻你問番我，人生其實幾咁美好，生咗小朋友又可以同小朋友玩，亦冇咁在乎得失同人哋評價，咁其實就冇嘢。」阿Ben說畢，Mayanne及現場嘉賓即爭相指他放鬆了不少，對此阿Ben搞笑謂：「如果咁都唔鬆，真係唔使再撈喇！」

（點新聞特約記者陳惠芳報道）

相關報道：

球迷賽後突破「封鎖」求合影　碧咸：ok！