獎門人｜朱咪咪爆笑啜波傳紫菜　遇型男輪住錫

【點新聞報道】《獎門人Hug Hug媽咪感謝祭》周日晚（21日）8點半翡翠台播映 ，今集主持陣容有「獎門人」曾志偉、「獎老」錢嘉樂、阮兆祥、麥美恩等，嘉賓由「逆天奇案2」隊，迎戰「朱隊友」。獎門人同時宣布下一集是本季《獎門人》最後一集。

「朱隊友」由久未亮相遊戲節目的朱咪咪領軍，在「開心無敵啜乒乓」中，除獲優待可以慢慢啜，還被陳展鵬點名對決啜乒乓，咪咪姐更豪言：「你夠膽就啜走個波！」她又命令展鵬唔准擘大口，自己再慢慢啜走乒乓波，場面搞笑。「開心無敵傳紫菜」咪咪姐被兩大小生袁偉豪和張振朗夾擊傳紫菜，咪咪姐即時怕醜妹上身。之後獎門人再安排咪咪姐一人VS「逆天奇案2」男子組，《逆天奇案2》總監製劉家豪亦有落場玩埋一份，家豪哥一馬當先捉實咪咪姐傳紫菜，之後四大型男方力申、張頴康、高鈞賢和陳展鵬肉緊捉住咪咪姐輪住啜，引爆全場氣氛。

「開心無敵私人醒」成為兩隊隔空罵戰戰場。其中一條題目「講咗畀人掌嘴嘅說話」，陳煒先是寸爆梁小冰：「收檔啦！」小冰唔執輸反擊：「做極都唔紅呀你！」之後戰火蔓延到馮盈盈和梁競徽（唯唯）身上，盈盈寸爆在內地帶貨的唯唯：「你賣嘢全部俾人退貨，零營業額呀！」唯唯不甘示弱：「你套套劇擔正但全部仆直冇收視，除咗《逆天2》！」笑爆全場。

（點新聞特約記者陳惠芳報道）

相關報道：

四獎老受訪　曾志偉突襲被爆外號為「埋單俠」

獎門人新片宣傳落場玩　志偉跟恬妞啜紫菜雞手鴨腳

超星練習生上獎門人　呂慧儀長腿夾實丁丁啜紫菜