【點新聞報道】《逆天奇案2》播出兩星期，收視節節上升，劇情十分緊湊。日前陳展鵬、林夏薇、張頴康、黃智賢及蔣祖曼5位主角分享幕後花絮，更互相「出賣」互爆大家拍攝時搞笑一面，和幕前情節同樣精彩。
其中陳展鵬約林夏薇見面希望表白想復合卻被拒絕，原來背後拍這一幕很辛酸，因為要步行超過1000級樓梯，在一棵大樹旁拍攝，除了行到氣咳，陳展鵬大爆一向都有運動的薇薇，當日都行到腳震震。林夏薇笑談「腳震事件」，她說：「當日更是黑雨警告，大家都冒住俾雷劈嘅危險去拍，唔係講笑，真的有個雷兜頭劈下來，等了幾小時才稍微雨停，爭取時間步行超過1000級樓梯上去，拍完再趕快落樓梯，驚又再行雷閃電，這個人（陳展鵬）就在笑我是否落樓梯腳在震，我的確是控制不到肌肉，因為腳好攰，不停在顫抖，被他發現了，常拿來取笑我。」
林夏薇就笑指這個劇個個都係運動健將，她亦無蝕底穿瑜珈衫做運動，不過陳展鵬透露他與黃智賢劇中經常都有激烈打鬥動作場面，有次薇薇終於有機會一展身手，但一個起飛腳動作就踼足個多小時，估計起碼踼了50次以上，他笑問薇薇：「拍打戲好唔好玩呀？」薇薇話：「真係好攰呀！腳都瘀哂！」
至於黃智賢（Ben）與蔣祖曼（Joeman）這一對，幕前就甜蜜溫馨，但Joeman說要爆料，原來阿Ben是開籠雀，她說：「阿Ben一日到黑，只要未埋位前就唱歌，表演慾非常強，有時拍到半夜突然傳來午夜歌聲，佢話可以令大家唔眼瞓，不過佢真係唱得好好聽，更俾我偷拍到他，我成日都問佢幾時帶我去登台。」
梁小冰在劇中演老角，她談到老妝上妝過程，小冰笑言不足半小時便完成：「化靚妝就要個半鐘，化醜妝只需半個鐘，因為化妝師好犀利，佢哋擺咗半打架生喺枱，一嚟就不停係咁噴，之後再逐條逐條將頭髮畫白，最緊要係夠大刀闊斧。」小冰又大爆為了角色刻意減磅：「我喺2023年1月最高峰（體重）係132磅，其實我本身都想減肥嘅，點知家豪哥同志江打電話嚟邀請我，令我更加有動力去減。拍攝嗰陣我減到116磅左右，我而家就已經減到104磅，簡直係重生一樣！」
（點新聞特約記者陳惠芳報道）
收藏
取消收藏
分享
