點新聞 ｜ 每日點新聞 點解香港事

北上消費蔚然成風，就連「黃絲」也為之瘋狂，紛紛加入北上消費的大軍。有網民就好奇他們的選擇原因，遂發文問：「今日仲覺得自己係黃嗰啲又送中北上係咩玩法同心態」。有網民留言表示，「我睇唔到香港同內地有咩分別。分分鐘深圳仲好過香港」、「既然香港＝中國，所以北上同留港無分別，但北上平啲」。

有網民在fb群組「香港突發事故報料區及討論區」發文問：「今日仲覺得自己係黃嗰啲又送中北上係咩玩法同心態，講啲原因同心路歷程嚟聽吓。」有網民留這認為，「每個人都有自己選擇，所以人哋選擇返中國大陸玩我唔覺有問題喎。我覺得既然有勇氣留港，咁點解仲要怕上中國大陸玩？我睇唔到香港同內地有咩分別。分分鐘深圳仲好過香港」、「既然香港＝中國，所以北上同留港無分別，但北上平啲」。

不過，仍有死硬派「黃絲」堅持留港，有網民就在留言區問道，「我都想知覺得自己係黃嗰啲仲點喺香港生活？日日行路返工，去city super買餸？」有「黃絲」網民留言回覆「我冇北上，9成時間留响屋企嘆冷氣、煲Netfilx，出街食飯唔會食藍店，去樓上書店買書，盡量唔搭地鐵」、「去圖書館歎冷氣」。有網民質疑「咁辛苦點解唔移民算？」，指「移民其實十萬蚊就搞掂，不過講到尾又係驚跳出舒適圈。」