【點新聞報道】炎明熹（Gigi）去年首個個人演唱會，尾場因颱風關係取消，相隔半年，昨日（12日）Gigi再度踏上九展舉行一連三場《Gi-FORCE炎明熹演唱會2024》。Gigi獲家人及曾志偉、李克勤和太太盧淑儀、劉德華、楊千嬅、陳煒、泳兒等多位前輩送贈花籃打氣，而來自世界各地包括美國、挪威、馬來西亞及澳門的Fans亦送上花籃，並於場外布置多個大型應援打卡區，未開場已經有如大型嘉年華，氣氛熱鬧。
甫開場，Gigi以銀色星際造型一口氣獻唱多首歌曲，之後換上紅色露膊連身裙，其後再換上橙紅色bra-top狂曬纖腰，聯同8位舞蹈員載歌載舞，其間她再度表演翻筋鬥，跳足逾10分鐘絕無冷場，興奮的Gigi還叫樂迷起身齊齊跳，為演唱會掀起高潮。
來到第四部分，Gigi唱畢《李白》後跟樂迷打招呼：「終於可以正式同大家講嘢，大家可唔可以畀啲掌聲鼓勵嚇我呢？為咗個颱風，我哋隔咗半年先再見，其實我係非常之驚，勁驚大家期望極大，又驚自己令大家失望，咁就唔使再同大家見面啦。」
整晚Gigi獻唱的歌單，除了是她精心挑選，同時亦代表了自己的心聲，尤其是唱到《明天你好》時，Gigi突然哽咽，數度轉身背向樂迷落淚，直到情緒稍為穩定才說：「我小學已經聽呢首歌，我冇諗過自己會做到歌手，我想將呢首歌送畀陪喺我身邊嘅人，同逐漸分開嘅人，好似喺天上面嘅爺爺，分道揚鑣咗嘅同學、朋友。我要好多謝我嘅屋企人，接受咗我唔開心嘅情緒，仲一路鼓勵我。」她又邊抹眼淚邊說：「sorry吖大家，浪費咗大家幾秒鐘。」台下不少人大叫「加油」為Gigi打氣，更有歌迷高舉「炎明熹我地（哋）真係好鍾意你」紙牌，對偶像送上無限量支持。
接着，Gigi請來嘉賓馮允謙（Jay Fung）現身，兩人合唱《報復式浪漫》，讓樂迷驚喜不已。Jay Fung指兩人因為《星夢傳奇》認識，大讚Gigi唱歌很好聽：「咁細個又唱歌又做戲又返學又有禮貌，屋企人真係教得好好。」他主動邀請平日罕有俾心心手勢的Gigi，與他一起派心，更即場傳授派心技巧，事後Jay Fung窩心地問候Gigi，與他一起做心心會否很尷尬，場面搞笑。最後Gigi為答謝演出，送上繡有「Jay Fung」字樣的結他帶，Jay Fung搞笑說：「我係想買結他帶好耐，不過我覺得咁都唔圓滿，你可唔可以幫我簽個名呀？」Gigi即爽快答應。
首場演唱會來到尾聲。在樂迷熱情呼喚下，Gigi於安歌部分送上《The Way You Make Me Feel》及《Only For Me》，她說：「今晚去到呢度啦，聽晚見，拜拜。」
（點新聞特約記者陳惠芳報道）
更多閱讀：
收藏
取消收藏
分享
