【點新聞報道】香港電影金像獎頒獎禮將於本周日（14日）於香港文化中心舉行，金像獎董事局今日（12日）舉辦金像獎入台拜神儀式，主席爾冬陞攜同董事局代表文雋、梁李少霞、余安安、錢嘉樂等成員出席，連同表演嘉賓岑珈其、何啟華、麗英等。爾冬陞直言已擔任主席多年，希望找到合適人選接任。
爾冬陞受訪時稱本屆籌備期間遭遇災難性的座位安排，目前仍欠80多張入場券。他解釋「文化中心有1734個位，樓下堂座原本有789位，但因為要拆除126個座位畀Panel同攝影機，所以樓下座位嘅總數663個位。」爾冬陞更言金像獎的主角是被提名人，今年有122位候選人出席，原則每位可帶同一位家眷出席，連同頒獎及表演嘉賓在內則共有158人。
目前座位分配上仍然緊絀，他說：「今年因為非常踴躍，上個禮拜我手上差百幾張飛！」雖然經過不斷溝通調配下，不少嘉賓願意不攜眷屬或移至樓座，然而：「我而家到呢一刻為止，仲差八十幾張飛。今次我想用數據話畀大家聽，呢個係冇辦法解決嘅問題。」
至於在香港其他大型演藝場地舉行金像獎的可能性，爾冬陞表示：「紅館我哋提出過，但成本太高。而文化中心有維園景觀，影星行紅氈很有代表性，所以文化中心是目前不二之選。」
爾冬陞歷任金像獎主席多年，任內他多次提出希望找到繼任人：「兩年一選，我已經做咗八年。過去一兩年我都有傾，我唔係扭計，但係冇適合嘅人選嘅話我唔想擺低佢，因為要有時間交接。」他透露有心水接班人，亦曾接洽商議：「有兩三個嘅！有同佢哋傾、到最後好難勉強。」
至於擔任金像獎主席的條件，爾冬陞坦言：「我以前做導演會（會長）嗰時，有咩叻啫？冇嘢叻，我只不過識得後生嗰啲、又識得老嗰啲。新任會長鄭保瑞入行好多年，就可以做到咁，後生一輩又傾得埋，包括我、再老啲嘅佢又熟！搞金像獎嘅範圍就更大！」爾冬陞又笑言希望卸任後有更多私人時間：「我明年入行五十年，由邵氏開始計，但係我近年想留多些時間畀自己。」
（點新聞特約記者陳惠芳報道）
收藏
取消收藏
分享
