【點新聞報道】炎明熹明天（4月9日）踏入19歲，她在生日前夕推出全新作品《還有一艘救生艙》慶生，今次新歌更採用了全新班底炮製，曲、詞由KW朱敏希包辦，編曲及監製有賴映彤。
Gigi說：「我第一次聽到呢首歌嘅時候，第一個反應係『嗯！呢首歌，好聽！』，我仲係第一次睇歌詞睇到喊。」對新歌「一聽鍾情」，Gigi更加在MV裏奉獻了多個第一次。導演要Gigi拿着手提電話，幻想與男主角對話，此時Gigi的淚水決堤式滑落、雙唇不自覺地抖震，呈現了被感情出賣的那份痛。「我冇諗過會喊到出嚟，平時一係喊唔到，一係就谷住咗，feel到要喊，但又冇眼淚，所以今日係好幸運嘅一天。當然男角也帶到我入戲，加上手機顯示『520』（普通話：我愛你），所以一望到就喊。」Gigi說。
第一次拍MV淚崩，也是Gigi第一次拍MV與男主角如此親密；包括在無人的街上拖手擁抱、在電話亭互餵蛋糕，還有到遊樂場玩滾軸溜冰。「上次拍《Only For Me》MV跳華爾茲，我覺得已經同男主角好近，估唔到今次更近，但大家投入咗喺戲入面，所以唔會覺得尷尬，或者有唔舒服嘅地方。」
至於在拍攝時，不時見到Gigi忍不住笑，她解釋：「其實我笑點比較低，我忍唔住笑唔係因為尷尬，係自己搞到自己笑，例如剛才我見到男主角出軌嘅訊息，對方留言話：Do You Want Me？再加埋個心心emoji，我一見到就笑咗，覺得好肉麻，同埋我平時影相，啲人叫我俾心心，我係唔會做，因為俾心心我覺得有啲尷尬，所以剛才一見到就笑咗出嚟。」
未拍過拖，但要在MV內代入一段Long D關係，Gigi問人什麼是Long D，她笑着說：「原來係一段異地戀嘅關係，我唔知自己將來會唔會接受，但暫時我覺得係可以接受。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
