【點新聞報道】《福祿壽訓練學院》明（7日）晚播出的第二集為終極海選，上集的「黑仔王」李思捷將「絕地反擊」、成功吸引大批實力新血爭相入隊，至於上集盡攬「顏值系」參賽者的王祖藍，今集在搶人期間食盡檸檬，由「顏值王」慘變「檸檬王」。
相比第一集，今集有兩個超乎想像的大龍鳳演出，分別為代號「一人Avantgardey」的黃建東，及「買一送一」的吳兆麟Alan及劉倬昕Sam Lau。黃建東一人分飾日本超人氣舞蹈團體Avantgardey，跳唱陳慧嫻經典跳唱歌曲《跳舞街》。身穿Avantgardey招牌紫色校服Look，頭戴Avantgardey標誌性假髮的黃建東，不但誇張表情神倒模Avantgardey，就連搞怪跳舞動作亦學到十足十。
談到是次演出，東東坦言碌盡人情卡之餘，籌備時間更長達一個多月，更數度被誤當「變態佬」：「因為我要着校服，我去旺角同九龍城啲校服店搵，但佢哋一聽到我想要女校校服，啲姐姐即刻好驚，話佢哋淨係賣畀學生同即刻趕我走，搞到我好似變態佬咁。我之後有試過上網訂，但又搵唔到紫色，我最尾係搵朋友再託佢幫手搵人做，淨係件衫用咗四位數字。」
而Alan及Sam Lau的「買一送一」，二人除了扮Barbie外，還會大玩《超級變變變》式的「人肉籃球」。表演期間，化身「人肉籃球」的Sam Lau需配合Alan的動作不停一邊閃避、一邊狂做push up予以配合，令觀眾看上去真的像Alan在打籃球般。31期藝員訓練班的Sam La，曾被媒體封為「文武雙全」，現在他還於香港大學修讀犯罪學碩士，並於今年7月畢業。Sam Lau受訪時笑言與Alan因為志趣相投所以組隊參加比賽，並謂表演重點除了是push up，「古惑的頭套」亦是難度所在：「主要難度係個頭套成日跣，好易睇唔到嘢。」
（點新聞特約記者陳惠芳報道）
相關報道：
收藏
取消收藏
分享
