【點新聞報道】無綫清談節目《Mayanne小喇叭》，今晚（5日）主題是「喜劇人生」，邀來薛家燕、林敏驄、棟篤笑演員Vivek Mahbubani擔任嘉賓。
出名頑皮的阿驄，一坐低即猛叫主持麥美恩（Mayanne）食「封塵爆谷」，又全程「啄住」家燕姐額頭粒痣，氣氛搞笑。不過論到最搞笑，還是家燕姐之前將連詩雅與衛詩雅搞錯，錯說「恭喜」大派笑彈，這次她再爆陳年烏龍搞笑事，當時被認錯的人竟是林子祥，家燕姐笑言：「有一次，我請咗個Superstar，我介紹佢出場時話『掌聲歡迎阿Sam』，我講完就哈哈哈。個Superstar出嚟嘅時候就話，我叫阿Lam，林子祥呀！」
除了烏龍事，家燕姐還分享了當年拍攝電影《食神》時的花絮，並指是被星爺啟發喜劇感：「其實我唔知自己有喜感，直到星爺搵我拍《食神》，我問佢攞劇本攞咗個零兩個禮拜都未有，到（拍）嗰日我就話：『星仔呀！你有冇劇本呀？』佢就話：『家燕姐，我想問下你，你係咪好鍾意跳舞㗎？』我就話係，六、七十年代嗰時。佢就話：『喂！跳嚟睇下』，我咪跳幾下咯，跟住佢就叫我等等，裝完幾部機再話：『嗱！你由呢度跳去嗰度，盡量發揮你嘅跳舞』，嗰Part舞就係咁跳出嚟，跳到我自己嗌Cut，佢唔嗌Cut，同埋冇音樂㗎喎，佢搵個茶杯同筷子喺度敲。」節目中還播放了當年家燕姐與王祖藍及曾志偉的經典「潘今年」「潘舊年」及「潘明年」扮相，由於王祖藍全程忍俊不禁，效果比志偉更爆笑。
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
