中環情侶截的士與司機爆爭拗　男遭車門鎅傷　女被拖跌受傷

【點新聞報道】中環畢打街周日（3月31日）凌晨，一架的士在交通意外後不顧而去。據悉，一對情侶截的士，男友上前查問時的士車門疑突然打開，並鎅傷其額頭，女友上前與司機理論，但的士卻開走，令她受傷倒地。案件列作「交通意外有人受傷-不顧而去」，暫未有人被捕。

社交平台流傳的影片，事發時女事主伸手入的士左前方車窗與司機理論，期間的士突發開車，女事主被拖至失去平衡倒地受傷。據悉，女事主姓馮，曾在一個車模大賽中獲勝，亦有兼職車模工作。

她事後發帖講述事發經過，稱事前她和男朋友在畢打街12號對出截的士，肇事的士冚旗駛至。男友上前查問之際的士突然開門，鎅傷其男友眼眉。女事主不忿上前理論，要求的士司機賠錢或報警，「佢（的士司機）死話佢冇撞到人，嗰陣時我趴咗喺佢個車窗同佢理論，佢無啦啦突然勁快開車衝紅燈，跟住我連人帶車咁行咗幾米然後成個瞓咗喺地下」。女事主上載傷勢照片，手、腳及膊頭受傷，呼籲目擊者能提供線索。

警方表示，周日凌晨4時38分接獲相關報案，兩名男女傷者分別29及28歲，當時截的士打算前往九龍，及後發生意外。救護車到場時兩人清醒，送瑪麗醫院治理。目前案件仍在調查。