面對工作壓力，最終更可能影響到情侶關係。有女網民在網上發文表示，男友最近轉行從事保險業後，性情大變，經常吹捧年薪過百萬的上司，一心諗住做保險發達賺大錢，女網民擔心男友日後會因為份工而「斷六親」，惟男友不願聽她的勸告，令她十分無奈。
女網民於討論區發文分享稱，同男朋友一齊幾年，對方最近轉行從事保險業，惟性情大變，「成個性格好似變咗咁，而家一講到錢就發晒癲，又成日都同我講佢公司啲阿頭好勁，全部年薪過百萬，話目標要好似佢哋咁」。
男友亦開始向身邊的人埋手，女網民指，「佢又會開始問我存款有幾多，話可以幫我規劃買啲保險，嗰種感覺好似係開唔到單要向身邊人埋手咁！」女網民好意提醒，擔心他日後會因為工作而「斷六親」。男友頓時大發脾氣，反斥她不支持自己的事業。
女網民大感無奈，「佢而家淨係諗住做保險可以發達搵大錢」，遂問網民點樣可以令男友變回從前。帖文亦引起網民的熱議，有網民認為「如果你唔認同佢嘅價值觀，最好盡快分手」、「我係你，即刻分手，走為上着」、「換男友啦」。不過，亦有網民認為「做多幾個月都無單就會離開」。
另有不少網民都有相似的經歷，「有個朋友做保險妹個人都變晒變得勁貪慕虛榮，成日好似發錢狂咁，仲成日開口埋口教人吸引力法則」、「我阿哥個老婆都係咁，同佢反面已經10年無見」。
收藏
取消收藏
分享
稿件由上傳 · 文責自負 · 不代表本網立場
