【點新聞報道】藝人洪永城（Tony）與太太梁諾妍（Inez）婚後育有一女Amber。去年底Inez宣布再度懷孕將會再添一名小公主。洪永城今日（23日）於社交媒體宣布，小公主於本月21日出世，取名Beryl。
洪永城在社交平台報喜，指小B女非常健康，重7磅2。Inez為避免像上次因「食全餐」導致長時間疼痛的關係，今次決定開刀分娩，當聽到妹妹出來時的喊聲，Tony和Inez感動到喊了出來，表示這份喜悅對洪家來說實在太奇妙。他們表示現時最期待一家五口（連愛犬）於未來一起跑馬拉松。
洪永城分享喜悅時，又以Beryl身份發文表示：「我其實有啲唔開心，因為我想似我靚靚嘅媽咪多啲，我一定要做mum face。我好高興嚟到呢個家庭，我有個好為食嘅大家姐Molly，又有一個非常好動嘅二家姐，所以我決定傳承佢兩個嘅優點，成為一個又為食又好動嘅三妹，同埋我偷聽到爸爸話一定會帶我周遊列國去旅行喎，好嘢。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
