【點新聞報道】視后李佳芯（Ali）近年被傳遭到TVB投閒置散，劇集減少下只偶爾接拍綜藝節目。如今終獲解封獲無綫安排她演出新劇《麻雀樂團》。新劇昨日（19日）舉行造型記招宣傳。她又否認這是她在無綫告別之作。
新劇《麻雀樂團》被外界形容是Ali的「解封劇」又是告別作，她就表示：「冇啊！傳聞啫。合約我仲未有新update，但一路同公司傾緊。一個演員基本上有角色，有好嘅劇發揮，基本上都會去做，所以我又唔覺得係最後咁樣。（合約傾到咩程度？）傾緊，但真係冇update。（有冇同公司提出咩細節？）我就冇咩特別，但當然演員想有好嘅作品，有劇拍for我，冇咩特別大嘅要求。（呢部劇係唔係公司俾你嘅甜頭？）我未知道，我未聽到呢方面嘅說話，所以我又唔覺得係暫時。（今年完約？）仲有段時間。」再三強調還在與公司就合約商談中。
《麻雀樂團》跟麻雀有關，問到Ali識打麻雀嗎？她就表示：「識呀！因為由細到大喺婆婆屋企，逢禮拜日去婆婆度聚埋同屋企人，所以由細到大都有接觸，自己識打。但唔識計番，我識做牌個啲。（有冇為劇集訓練麻雀或一啲麻雀術語口訣？）術語口訣嗰啲我要背，同埋呢個角色嘅挑戰係同Ali好唔同，佢（角色）數口要好精，要幫譚俊彥管數，而有幾場戲有幾百字嘅對白我要連續講，口訣要記囉，都係一個挑戰。
此外，Ali為劇集剪了一頭短髮的，給人一種清新甜美的感覺。對於久未接拍新劇，問到能否跟上節奏時，她說：「呢段時間好好，因為監製有圍讀，所以基本上我等於開咗工。」
（點新聞特約記者陳惠芳報道）
相關報道:
收藏
取消收藏
分享
稿件由上傳 · 文責自負 · 不代表本網立場
