英國毒品問題愈發嚴重，而大麻是英國最多人吸食的非法毒品。近日有移英港女大呻住正係「毒樓」，指住自己樓下某個單位以往已不停傳出煙味和大麻味，最近更傳出「可樂(可卡因)味」 ，令原本已精神不振的她感到十分恐慌，驚報警會得罪對方喎。
須知道食可卡因或大麻，分別有一陣濃烈嘅燒膠同燒草嘅味，好易聞得出。該名移英港女日前在fb群組「英國香港人生活交流區」發文求救，指自己住在愛丁堡的apartment最高樓層，而幢樓嘅抽氣系統係全幢通嘅，平時都會聞到下一層某個單位不停食煙和大麻，但她都只會噴下空氣清新劑就算。之不過，她最近聞到「可樂(可卡因)味」，令精神狀況唔算太好的她感到十分恐慌，亦擔心「報警驚畀人知係我報 到時候我就得罪咗佢了」，所以遂發文問網民有什麼法方可以委婉處理。
有網民就建議樓主「試吓匿名寫張字條入落信箱同佢講聲」、「或都同管理處講」，不過，樓主無奈指出幢樓無管理處，並講述上次發生同類件，亦只是擺咗個定時噴嘅空氣清新機就算，直指根本無解決過，「上次有人投訴某單位食大麻食到嗰層樓梯超大味之後，得出嘅解決方法係擺咗個定時噴嘅空氣清新機就算（擺完都係超大味，冇解決到）」。
收藏
取消收藏
分享
稿件由上傳 · 文責自負 · 不代表本網立場
