點新聞 ｜ 每日點新聞 點解香港事

借黑暴上位、食「人血饅頭」的奀星阮民安，去年出獄後動作多多，賣盆菜、大光麵，又搞網上音樂會，繼續靠黃掠水。曾任多名歌手經理人、原名邵耀華的邵子風看不過眼，近日在自家頻道狙擊阮民安，宣布成立「阮狗Tommy仔人肉饅頭關注組」，還公開呼籲收集阮狗食人肉饅頭嘅證據！匿名聲音訪問㖭。

邵子風在帖文表示，「2019年搵到受害人K小姐出黎講出佢被阮民安騙財騙色至一身債嘅經歷！當年『黃絲男神』勢頭一時無兩，黃懵個個食左盲眼藥『選擇性失明』，最後呢單新聞無乜人注意…，前幾天聯絡K小姐，佢已經唔願再企出黎啦…」故他呼籲收集一切阮狗嘅黑材料！

他在youtube頻道上載影片，大數阮民安臭史，摷番當年相關報道，包括「舊愛向院民安對質被佢，佢一蚊都冇還」、「前度爆與阮民安同居惡夢，財物不翼而飛：捲髮器都唔放過」、「舊愛不甘被屈　爆阮民安夜場搵錢：唔還債仲要掉轉講」等。

帖文獲不少網民支持，紛紛留言力數阮民安不是，「周身街數阮民安，從來未出現喺抗爭現場，正宗人血饅頭，賣假飛，左痴右痴靠呃黃絲光環翻生，虛構學生妹賣餅咁都有人信，無天理」。

另有網民提到「十多年前，有個好好身材嘅女仔叫Lavina，當年話賤價幫阮拍mv，當時隻MV好抽個女仔水，佢仲有條片係making of嚟，條片個女仔有尷尬樣，阮就自肥堅猴擒樣、超咸濕，後來個女仔連賤價都收唔到，又話送手袋都係吹水，個女仔真係好慘。」，並貼出相關新聞連結「阮民安戲言袋答謝 鍾蕙芝拍ＭＶ得個吉」為佐證。