【點新聞報道】香港電影導演會周年晚宴暨年度頒獎典禮昨晚（15日）舉行，晚宴前導演會頒發「最佳影片」「最佳男主角」「最佳女主角」等六項大獎。最終由梁朝偉憑《金手指》及余香凝憑《白日之下》獲本屆最佳男、女主角獎。
梁朝偉得獎後接受傳媒訪問說：「自己成為演員以來，要感謝太多人，我諗好多人都需要多謝，但係都唔記得多謝係正常嘅！因為我覺得作為一個演員、能夠成為今日嘅我，太多人要多謝梗有人會唔記得！唔使寫紙仔，寫紙仔都唔記得咁多！」對於會否有信心在金像獎再度獲獎？偉仔笑言：「事但啦！（保持平常心？）係呀，類似啦！」
談到如何慶祝時，偉仔說：「我成日都覺得做人應該日日都慶祝㗎！因為生命每一日都應該珍惜嘛！」偉仔又言他於22日到德國為新片開工，未能出席金像獎。「這次劉嘉玲不會陪我，我拍戲又不是她，我去到會慢慢熟悉環境。」
偉仔早年在半年前，已為新片演的腦神經科學家準備。他說：「我要準備嘅嘢，比如去啲唔同大學認識腦神經科學家，或者我需要準備嘅research，我已準備好。」而短暫到當地拍攝，他直言不擔心水土不服：「我食嘢好簡單。」而在演出的信心上，偉仔更開玩笑表示：「我唔知咩叫入定戲。可能我已經變成一個腦神經科學家，因為之前睇咗好多書。」
余香凝憑《白日之下》奪得「最佳女主角」獎，梁朝偉表示：「我有睇《白日之下》，我覺得極好睇呀！」
「最佳新演員」獎由謝咏欣憑《但願人長久》奪得。她表示不相信自己會攞獎，多謝大會及導演祝紫嫣發掘她入電影圈。
本屆「最佳影片」頒發予吳煒倫執導的破億票房作品《毒舌大狀》；「最佳導演」則由鄭保瑞憑《命案》奪得；而「新晉導演」則由卓亦謙憑《年少日記》獲得。本屆設有「執委會特別獎」由李子俊執導的《第八個嫌疑人》獲得；「榮譽大獎」頒授予已故導演羅啟銳。
（點新聞特約記者陳惠芳報道）
相關報道：
收藏
取消收藏
分享
