之前賣盆菜賣大光麵掠水嘅奀星阮民安賭性不改，近日有網民在社交平台上貼出一張指他在馬會投注站買波的相片，相中見一名衣著打扮跟阮民安似到十足的人，在自助投注機前，全神貫注地買波。有連登網民揶揄「都話條Ｘ樣死性不改」、「爛賭成性」、「又邊個捐錢畀佢去賭？」、「窮心未盡，賭心又起」、「買場波都5千幾咁富貴」。
阮民安早前涉利用社交媒體發布煽動仇警及法官的帖文，並訛稱為一名暴動案少女賣曲奇籌款，其後被發現將款項轉到個人戶口，他承認煽動及洗黑錢超過70萬元，去年被在區域法院被判監2年2個月。
網民直指「一早都捉正咗佢，係有人唔願醒」、「無一個賭徒是無辜的」。有網民嘲諷阮民安一有錢就身痕，「咁多水魚課金，梗係拎去馬會滾大佢」，又模仿阮民安寫帖文風格，諷刺地指「任何大話最後尾加一句，應承我，撐落去，就會成真」、「馬會投注班小朋友又有工開喇！」、「應承我，尾場中埋好嗎？」
有網民分析指，「佢呢個寒窮乞食格，餐餐賭呢個銀碼，明眼人都知佢係正宗賭徒一個而唔係純粹怡情」。不過，有阮民安嘅支持者就死撐話係改圖，「得個後尾枕我話係你老Ｘ都得啦」，但有網民反駁阮民安之前洗黑錢，畀馬會取消戶口，佢喺機到買係符合所有事。
收藏
取消收藏
分享
