去酒樓賀壽，咁大整蠱！日前有食客在網上大呻，全家於旺角某酒樓賀壽食飯，但就搞到一肚氣，直斥該酒樓上菜「趕頭趕命」，不但要自行安排擺位，又沒有人收走碗碟，最令人嘔心的是，「食食吓隔離切片皮鴨張枱仲見有小強」、「豆苗食食吓夠膽死食到有報紙」，語帶謿諷地表示「我真係嘆為觀止」。
該食客在fb群組「飲食黑店大全 (全港食店質素/價錢/服務關注組)」發文，指日前全家前往到旺角某連鎖酒家食飯賀壽，本來都開開心心，不過侍應在上菜時卻「趕頭趕命」，擺滿成枱之餘，傳菜時仲要直接遞給他們自行安排位擺，樓主直言「真心黐X線」。
樓主表示，明白人多爆場要快，所以他們盡量吃快點，但當要求侍應姐姐收走枱上的碗碟時，對方卻稱：「我傳菜㗎喎。」於是便問對方有沒有員工負責收碟，對方只回覆「唔係我喎」便走開，批評對方態度「差到冇人有」。
不過，好戲還在後頭，竟然「食食吓隔離切片皮鴨張枱仲見有小強」、「豆苗食食吓夠膽死食到有報紙」。樓主表示，明白食肆有蟑螂很平常，但質疑「唔係一路有師傅片緊鴨，都可以由佢咁周圍走吓嘛？」，認為情況若發生在街邊食茶記或大排擋可以接受，「但連鎖酒家可以有啲咁嘢發生，我真係嘆為觀止」。最後，他強調，並非不支持本地食肆，但慨嘆「咁多人走上大陸食嘢都唔係無原因」。
不少網民看後都大呼「好恐怖」，並認同該酒樓越來越差，「以前幾ok㗎，都唔知點解越做越衰」、「近幾年，無論出品，基本服務，落差極大，可以一讚的是，趕客一流」。有人則認為「上菜超級快，擺明叫你快D食完埋單走人，可以輪到下一班食客入場。」
收藏
取消收藏
分享
