有港人之前撲住去申請移民英國，以為一定可以享受到美好嘅生活，點知到頭來卻家變，孤單隻影，說不出的難受。有移英港男日前在網上大嘆到英國後離婚，日日返一份唔知做來為咗咩的工作，直言有數次真想放棄人生。
有移英網民近日在fb群組「英國今晚食乜餸」發文抒發感受，指「放工。為自己飲杯。其實我哋已經好叻」，諗住搵同路人圍爐取暖。一名移英港男就留言話，「我來到英國後離婚，一個人住，日日返一份唔知做來為咗咩的工作，有數次真想放棄人生」，引來不少同路人為他加油，移英男坦言「若唔係得一些朋友不停打氣和每星期見下個囡，都唔知生存來做咩」。
有同路人勸他看開一點，移英男回應「都五十了， 點會唔明，只係無估計她(太太)在我人生最低潮下離開，也相當狠地離開。好難接受」他又透露，「我比我前妻話我太享受人生」，但他指煮好東西是其減壓的其中一方法。不過，他認為「最惡劣時間巳過去，每日都希望過得更好」。
收藏
取消收藏
分享
