好人好事，救人一命！有外賣員發文分享日前到一個舊式天井公屋送外賣，到達時從鐵閘外面見到屋內一名婆婆跌倒，外賣員隨即轉向鄰居求助，並致電替婆婆叫外賣的家人，暖心行為獲網民大讚。
該名男網民在fb群組「香港啤酒關注組」發文，表示當晚送皮蛋瘦肉粥和鮮蝦腸粉外賣到一個舊式天井公屋單位，到達單位門口時，見單位大門大開但鐵閘關住的，屋內冇開燈，只開住電視機，比較暗。事主便朝屋內喊道：「你好呀，送外賣!」隨後有把微弱女人聲：「等陣......我郁唔到，我跌倒，拎唔到鎖匙呀！」他於是望入去，發現原來婆婆早就跌倒躺在地上，令他大嚇一跳，但他跟自己說要冷靜處理，並告訴婆婆：「得得得，你郁唔到唔好夾硬郁，我會幫你！」
事主第一時間找鄰居幫手，有一對夫婦即刻衝出來幫忙，但因鐵閘上鎖開不到，他便打電話去外賣程式個客戶服務處，當時他估計是婆婆的家人幫她叫外賣。他告知對方「你屋企婆婆跌倒，瞓咗喺度郁唔到，但佢清醒講到嘢，我而家同鄰居喺門口，但開唔到個鐵閘，你快啲搵人返嚟啦」，接聽的女士得知後驚慌失措並告知事主會在10至15分鐘內到家。外賣員之後將婆婆交託給鄰居，鄰居就大讚事主「婆婆行動係唔方便，好彩有你發現」。
帖文一出不少網民都大讚事主見義勇為，「好彩婆婆遇到你」、「老人家如果冇人發現，分分鐘凍死。我朋友阿媽又係冬天係廁所沖涼跣到，咁就凍死走左。師兄你真係救人一命，功德無量。婆婆真係好彩，遇貴人」。事主亦在留言中表示「嗰一刻好大壓力，我真係嚇到，但要冷靜，我一定要幫佢，幫到就幫啦」。
收藏
取消收藏
分享
