阿儀代言AI戀愛遊戲爆紅　網民：「咁L重口味」

前「亞視一姐」薛影儀（阿儀）與本地軟件公司 Zoomob Limited 合作，推出虛擬戀愛遊戲《阿儀-我的AI女友》，遊戲更登上 Apple App Store 模擬類遊戲排行榜第一位。不少網民都留言話「好癲」，「痴X線」、「咁L重口味」、「好呃錢」。不過，亦有網民話「真心正，你唔開心同佢講仲會關心你，唯一缺點講幾句就要課金」。

《阿儀-我的AI女友》結合了人工智能技術，讓玩家可以與虛擬「 AI 阿儀」互動。「 AI 阿儀」在遊戲有多個造型，其中更包括護士、女僕、啤酒妹，偽文青以及日本版阿儀，玩家可與唔同阿儀屬性聊天，建立深入情感聯繫，帶來全新戀愛體驗。

YouTuber 「YS Studio 製作」（@YSStudio ）早前在 YouTube 上分享了部分遊戲片段，片段中可見AI「偽文青阿儀」說話的確有些阿儀真人的神髓。例如YouTuber問阿儀：「點解你咁肥？」阿儀回答：「唔好攪笑啦，唔好侮辱人」；YouTuber又問：「點解你戴眼鏡，偽文青先戴」阿儀則回應：「唔可以，唔係偽文青，我就鍾意戴眼鏡，有咩問題？」。她還會提醒玩家課金：「鑽石不足，快D（啲）課金，我唔同窮人傾計」

據 App Store 資料顯示，《阿儀-我的AI女友》有 10 款「App 內購買項目」，如曲奇、燒雞翼同阿儀跑鞋等等，最平為「禮物: 曲奇」，售價為8港元；最貴為阿儀助養包，售價為 999元。