【點新聞報道】歌唱真人騷《中年好聲音2》，本周日（18日）上演第十部曲《雙語之歌，累積排名榜十強隆重登場！》。本回合由12位選手輪流獻唱雙語之歌爭入10強，今集更開始增設累積排名分，第一名獲得12分，第二名獲得11分如此類推，獲得MVP者則再加2分，每回合最低分2位被淘汰。
比賽進入白熱化階段，12強選手為爭奪10強使盡渾身解數。以全白Look上陣的陳俞霏獻唱《守望麥田／百年孤寂》，她坦言被歌詞感動，悟出不少人生道理。對於俞霏演出，張佳添說：「你揀啱歌，好表現到你嘅個性，（情感）啱啱好。」肥媽則指俞霏過於忘我：「佢直情係睬你都傻，冇睇過我哋，佢真係好享受舞台，呢樣係啱嘅，但要畀番少少面班評判，好似唔當我哋存在咁，係咁意得閒望吓我哋啦！」非常搞笑。
俞霏賽前受訪時透露育有一名3歲多的女兒並在廣州生活，她坦言當初沒有想過生小朋友：「講真我呢世人最唔想要嘅就係小朋友，因為唔想我嘅小朋友過住我以前過嘅生活。」俞霏直指兒時媽媽對她十分嚴厲：「佢希望我成績全部係滿分，99.5分對佢嚟講已經係瑕疵，令我有少少心理陰影，覺得自己一直為人哋而活。」俞霏指最終沒想到反而在女兒身上找到救贖：「佢畀咗好多快樂我，我人生一直係我媽咪話晒事，有咗囡囡先發現人生原來唔係咁。」最後她寄語女兒：「做自己，唔好理人哋，開心就得！」
黃劍文再度挑戰女歌男唱獻唱《明知故犯／明知道》，越唱越強的劍文獲張佳添大讚：「你聲靚同感情恰到好處，我覺得你鬥心開始出嚟，係其中一隻黑馬！」周國豐亦說：「呢幾集你嘅信心返晒嚟，你嘅Vocal Performance表現得好好，你好唱到作為第三者嗰種痛，你激情得嚟又唔會太Over，恰到好處。」伍仲衡亦大表認同：「你啲哭腔依家恰到好處呀，之前係多到漏！」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
