農曆新年當然少不了同親友打麻雀，「發個新年財」！不過近日有女網民從山姆超市購入一副Hello Kitty麻雀，節慶期間與親友打牌耍樂時，卻發現當中竟有5隻「六萬」。事主無奈道：「未試過打5隻相同麻雀。」
該網民在fb群組「山姆中伏分享Group」發帖，指早前透過代購在山姆超市購買一副Hello Kitty麻雀套裝，惟當日與親友開枱半小時後，才發現該副麻雀裡竟然有5隻「六萬」，「打六萬有人叫碰，另一個話你碰咩我有2隻六萬，之後輸家話唔算數有5隻六萬，打咗成半個鐘先知」。事主指，經點算後，發現副麻雀原來是「多咗六萬少咗七萬」，結果惟有「用花當七萬打住先」。
事主問網民「有冇人買咗hello kitty麻雀好似我咁唔好彩，搵代購買叫佢俾單我自己去換，佢話無得換」。於是網民建議「不如試吓網上同人交換？」、「我見好多人都多咗一隻又爭一隻」，又笑言「「錯體版，好值錢㗎！」
帖文亦令不少網民想起電影《嚦咕嚦咕新年財》的橋段，「我諗起嚦咕嚦咕新年財既五筒扮4筒」、「我即刻諗起華仔5筒扮4筒」。
收藏
取消收藏
分享
